Kiwa kreh ka Samagra Shiksha Abhiyan (SSA) kiwa em hapoh ka All Meghalaya SSA Non-Teaching Staff Association ynne ka sngi da mih paidbah ki ha Madan Malki, Shillong yow pynman yakhih wa jai-jai deiwa chong kyllaiñ Myngngor khlem booh por.
Ini i yakhih toh yow dawa na ka sorkar jylla yow pynku ya ka tulop da 80% neitæ sa 2% ya kiwa da slem i kreh wei wow pynu leh da 5% man-u-snem neibynta waroh ki Non-Teaching Staff.
Hawa klam wa kiwa thoh khubor, ka President, ka Jenniferjune Synrem da ong ko wa la 8 snem i su da neh bait ko ha ka 25% wei da khia palat ya kiwa kreh kam ki Non-Teaching Staff yow pyndap pynbiang ya iwa emkaam ha-yung neibhah katni da ku lut ki mar ki mata wei ym yahaap de wa ki por wa nachwa.
Da khana ko leh wa yeini da pynsñiaw chi pynsñiaw cha ka sorkar deiwa yachem wa u Montri ka chnat puræ puthi wa ya u Director ka chnat tangwa da mih bait du i kular khlem mih soh, hadooh wa da pynman ya ki wow chim ya kani ka rai wow mih paidbah yow pynman yei yakhih.
Discussion about this post