Da ki spah ngut yoh myntoi kiwa chong chnong ka Moodymmai na ka Free Medical Camp wa kyrpang

Ynne ka sngi ki paaid wa chong chnong ka Moodymmai, West Jaiñtia Hills District da ya mih ryntih ki cha Sub-Centre ka chnong neibynta wow phah pait bniah yei chait i khiah yong ki lyngba ka Free Medical Camp wa da pynman da ka North East Adventist University, English Church chirup i krehlang ka District Legal Services Authority, West Jaiñtia, ka Ummulong CHC, ka MACS, ki bor chnong ka Moodymmai wa kiwi.

Ha kani ka Free Medical Camp da wan wow pait bniah yei chait i khiah ki paidbah da ki Doctor wa da pyndep yei puræ bniah ha ki laiñ waphær waphær wa kynthup kam ka Dr. Merina Shylla kawa pait neibynta ki kynthai (Obstetrics & Gynaecology), u Dr. C. Paswet wa pait heiyatoh wa ki khmat (Eye Specialist), u Dr. P.M. Pyrtuh uwa pait kyrpang heiyatoh ka ENT, neitæ ki General Medicine Doctor wa kynthup ka Dr. B. Ryngkhlem wa u Dr. L. Rymbai, katwa heiyatoh i sumaar Physiotherapy da pait bniah da ka Dr. Junita Kyndait, u Dr. Amendment Kyndait, u Dr. Hormot Pyngrope wa kiwi kiwi.

Neitæ da em leh ka thaw Test snaam, kamjooh i pynsñiawthooh cha ki paidbah hajrong kammon u yada wei sumaar yei kjut BP, chini wa kiwi de ki jait kjut.

Heiyaklam wa u Pastor ka North East Adventist University, English Church, u Sylvestar Shangpliang da ong wa kani ka Free Medical Camp man haroh ko chibynta ka Global Youth Week yong ki wei ya ka Global Youth Day da pyndep lehkmen ki ka ha ka 15 tarik uni u bnai.

Related posts

Da sdang ya ka CM Care+ yow yarap su ya ka bai sumaar wa syad dor

March 16, 2025

Yoh myntoi kiwa boon na ka Health Camp wa pynman ka UPHC Loomkyrwiang

February 7, 2025

Chooh chooh chibynta ka Global Youth Week khana u wa jooh pyndep ki da ki jait kaam waphær waphær wa kynthup deiwa lai pait ya ki thaw ri khonswet, ki Hospital, i lai e yarap ya kiwa dooh ha kylleiñ, wei kani ka Free Health Camp leh toh kawa jooh leh hi ki dei ya krehlang wa ka University wa ki Community Health Centre.

Heijooh i por ong u kani man ko kawi na i chakri ka balang wow e chakri lyngba i chait i khiah katwa yoo ki boon ki bru emkaam ki i sumaar heiyatoh wa i doh i pran.

Hajrong i jied won ya ka chnong Moodymmai wow pynman ya kani ka Free Medical Camp, ka Bailinda Dkhar, Principal ka North East Adventist College of Nursing, Khliehtyrshi wa ka J. Suna, Asst. Professor khana ki wa toh neiliang ka Community Department yong ki jooh lai Survey ki ha kani ka chnong wei chem ki wa boon ki bru emkaam ki yei pait bniah heiyatoh i chait i khiah.