Jowai : Ynne ka sngi da ki spah tylli ki manyung da chah ktah ki hadien wa haap syndet u phria wa u slap ha kiwa boon tylli ki chnong ha ki thaiñ Mynso, Pamanik, Mynktung, Mowkyndeng ka West Jaiñtia Hills.
Ini da jia i syndet heipor kamwa 1:00 waje i sngi wei ini i haap phria da pailiang ki tin wa ki tnoom yung iwa da pynbor ya kiwa boon wow yut rieh ki.
Hadooh wa pynmih ya kani ka khubor ym em wa mynsoo wei da antaad wa ha ini i haap syndet u phria da chah ktah boon tylli ki manyung.
U montri ka PWD (B) u Coming One Ymbon uwa man leh u MLA ka thaiñ da kular u wow e yarap.
Neiliang u Wyrta daw pyntip chooh chooh i ya phi heiyatoh wa ini iwa jia.
Kini ki dur ha wah won toh katkam wa yoh chaphang i haap phria ha Riangdo, Mawsynrut, West Khasi Hills ynne ka sngi heipor chiteiñ sngi wei hadoo wa pynmih ya ka kubor ym em wa Mynsoo.
Discussion about this post