Ki warep yong ka chnong Pamra Kmai da sñiawngooh ki ya ka sorkar lyngba ka chnat Agriculture ka East Jaiñtia Hills wa da e yarap mynkna ko cha ki da i symbe salah, i sboh wa i dawai khniang cha ki 110 ngut ki warep ka chnong heiwa dapoi waroh 1130 kilo yow thung cha ki pynthor hali khlem da pynsepai yei thaw ha i por tlang hadien wa dep u pynlum pynlang ya u kba u khoo.
Ya kani ka yarap da wan lyngba ka Winter Cropping Scheme 2025-2026.
Neiliang ki warep da ong ki wa lyngba kani ka e yarap ka sorkar da pynkmen wei e mynsien ko ya ki kam ki warep wow man ko kaam ka laad kamai yoh u pyndap pynbiang yeiwa emkaam yong ki.
Kamjooh leh kani man ko kam chibynta u pynchlur ko ya ki wow kyruiñ khmat noh dei kaam rep khamtam hadien wa da khang yei kaam tih mooyong ha ka jylla iwa da ktah bha ki yei kamai kajih khamtam ha East Jaiñtia Hills District.
Kamtæ da kyrmen ki wa uni u symbe salah u man u uwa bha wa miat hawa thung wa tep ki yow man ko i yoh nong ya ki kam ki warep wariang.
I pyntip na u Wellson Siangshai, Secretary Chnong.
Discussion about this post