Shillong: Neidaw wa boon kiwa yah kari kiwa tip du wow yah tangwa ym tip ki kammon wow pynemkaam ya iwa emkaam yow lait na i mynsoo ya ki kam kiwa yah kamjooh ya ki paidbah wa lai wa yieñ wa ya kiwi ki kari. Wei ya ki paidbah leh yow man ki kiwa syndong hawa lai cha sarok.
Ynne ka sngi, ki pulit ka nongbah Shillong da pynman ki yaka pynche paidbah kammon wow leh ya kiwa yah kari, kamjooh ya ki paidbah yow lait na i maa hawa lai ha sarok. Kam chibynta wow pynsñiawthooh ya ki aiñ yah kari, ki pulit da sam syntu ki leh ya kiwa yah kari yow pynyoo wa ki pulit kwah ki wow chakri da i mynsieñ wa maya wow pynsñiawthooh ya ya ki paidbah khamtam hawa yah kari.
Ini i pynche wa i pynsñiawthooh yong ki pulit ya kiwa yah kari wow bood katkam wa da phah, man ko chibynta ka lehkmen yaka Road Safety Week.
Kiwa yah kari toh u man ki kiwa yah syndong, wow pait ya ki dak, iwa thoh, wow e dak næ Signal, wym toh u pynche diñ pyrchah ya ka kari ha i por miet wei toh u pyndoom wa ym toh wow pynhær kari.
Kiwa yah kari ym toh leh wow yalehke Mobile ki hawa yah kari næ wow dih kiad neibhah wa man ki ki daw wa da wanrah ya ki jia wa sñiawsih.
Discussion about this post