Jowai: Ka KSU Saphai Unit deiwa yarap ka NEEPCO da pynman ki yaka pynkhooid ya ki ar tylli ki skur wa em ha Saphai ynne ka 24 tarik, kitæ ka Seiñraij U.P. School wa ka Government L.P. School.
Ha kani ka pynkhooid skur da yoh leh ya i klam na u Wympherki Kanai uwa man kam u Secretary Chnong Saphai uwa man leh kam uwa sikai ka Government L.P. School wei da yoh leh ya i klaam na u Ioanis Manner uwa man kam u General Secretary ka KHEPAPA (West Bank).
Kani da ye ko wow man kam ka sien wa nyngkong wa pyman ya kam kani ka jait pynkhooid haka chnong Saphai kamtæ neiliang u Balawantei Suchiang uwa man leh kam u pynlai yaka yalang wa kamjooh u President ka seiñ wa u Ricky Syntem uwa man kam u General Secretary ka KSU Saphai Unit, da dap ki dei sñiawngooh wa khroo ya ki sahep ka NEEPCO khamtam ya u HOP uwa man leh u General Manager ka NEEPCO (Umrangsoo) wa ya kiwa emlang kiwa da e sñiawbha da ki tiar wa emkaam ka skur kam ki thaw noh jhep, ki White Board, ki Duster wa kiwi kiwi ha kani ka sngi pynkhooid kawa da chimbynta da ki manbei, ki khynroo khyllood ka chnong, kiwa sikai wa ki dkhot ka seiñ.
Discussion about this post