Jowai: Ka SBI Life Insurance, Jowai Branch ha kani ka 1 tarik uni u bnai da sdang ko u e ya yarap hapoh ka thong krehkaam yong ka kawa tip kam ka “Promote Education” kawa man leh kam ka Corporate Social Responsibility (CSR) namo i e su kylliang ki Company cha ka imlang sahlang.
Ya ini i e yarap da e sñiawbha da ki tiar cha ka skur Pohmusiang SSA U.P. School, Jowai kawa em hapoh ka chnong Loomiongkjam, Jowai.
Chwa wow ekti ya kini ki tiar da em ka yalang wa tbian wa pynlai da u Dr. D.I. Kjam uwa man kam u Waheh Chnong ka Loomiongkjam, wei da yoh leh yei klam na u Branch Manager kani ka Company u Johnson Lamare.
Da yoh leh yei klam na uwi na ki dkhot ka chnong u Dawmanchooh Lamar wa ki kyntien e khublei na u Niwanmi Passah uwa man kam u Secretary ka SMC Loomiongkjam Durbar Chnong.
Ha kani ka sngi ya u Lamare da synraan da u Taibin Thangkhiew uwa man kam u Development Manager yong kani ka Branch.
Ka Company ha kani ka sngi da e sñiawbha ko cha kani ka skur da ki tiar kyndehke nadooh ki tiar cricket, football wa kiwi kiwi.
Discussion about this post