Jowai: Ka Jaiñtia Youth Development Society (JYDS), da hiar ko cha ka chnong Niawkmai hapoh i yahkhmat u President yong ka u Damanleki Lathong wow e yarap da ki tin sap yung yaka Thanglasem LP School Niawkmai.
Ha chwa wow saam ya kini ki tin, da em ka yalang wa tbian wa pynlai da u waheh chnong hei emlang ki manbei manpa yong kani ka chnong heiwa u waheh chnong da pynsñiaw u yei sñiawkmen wa i sñiawngooh yaka Society wa e yarap ko yaka skur.
Neiliang u Chairman yong kani ka skur u Armanki Dkhar da khana u wa heipor slap, chitom bha kani ka skur wei jooh hap wow pynpep ya ka skur, wei da pyrchang ki wow thooh ki laad ki luti na kiwa mihkhmat tangwa ym em poi ko cheiwon cheiwon leh.
Da yoh leh yei klam naka Head Teacher yong kani ka skur ka Darihun Dkhar kawa da pynsñiaw yei eh yong kani ka skur heijooh i por da pynsñiaw ko yei kmen wa yoh yarap naka Society wei da e ko leh yei kyrkhu kyrdoh ya kiwa yahkhmat ka Society.
Discussion about this post