Ka KSU West Jaiñtia Hills District da lai e yarap ko da ki tin sap yung cha ka St. Thomas Lower Primary School Mooluber deiwa ya emlang u Chanbor War, Vice President, u Phrang Law, Vice President ka Laskeiñ Circle wa kiwi de ki dkhot yong ka seiñ.
Kani ka skur toh kawa mantre da ka Minphik Laban kawa da emlang ha kani ka sngi deilang wa kiwa ha-yung ha-sem.
Kani ka skur toh kawa da e chakri la 10 snem tam ha kani ka thaaiñ kawa em markhap waka Assam wei kani ka skur em ko 6 ngut kiwa sikai wa 85 ngut ki khynnah skur kiwa lai puræ nadooh KG hadooh Class VI.
Neiliang ka seiñ da e ko yei kitbok kitrwiang ya ka tre kani ka skur yow nang lai ko chakhmat wei da e leh yei kyrkhu kyrdooh yow ye u e yei chakri wa bha lyngba kani ka skur.
Kani ka tre yong kani ka skur da pynsñiaw ko yei eh wow pynlai ya ka skur neibhah wa ka bai skur toh kawa duna dor tangwa iwa pynlut won toh iwa boon nadooh wow su tulop ya kiwa sikai, kamtæ dei wan e mynsien da ong ko toh i kyrkhu ya ka skur kamtæ da kitbok kitrwiang ko ya ka seiñ hi waroh kawi wow nang ye ko wow chakri rap bha ya ka ri wa ka jaitbru hi waroh kawi.
Discussion about this post