Ka Meghalaya People United Front (MPUF) EJHD, ynnin ka sngi hapoh i yahkhmat u President, u Kyrshan Blah wa kiwi kiwi da lai e yarap ki da ki tin sap yung wa kiwi ki tiar cha ka Telmi Rymbai ha ka chnong Mookhep, East Jaiñtia Hills wa emkaam yarap.
Neiliang u Kyrshan Blah hawa klam da ong u wa ini i e yarap toh chibynta wow kyrchaan ya ki manyung wa em hei chitom saja kiwa duna hei yoh i laa kiwa mylla sngi.
Chooh chooh da kyntu u ya kiwa mihkhmat nadooh ki MDC, MLA wa MP wa kiwi kiwa toh u pait ki ya ka imlang sahlang wow yarap ya kam kini ki manyung neibhah toh i kaamram yong ki wow yarap lyngba ki Scheme sorkar.
Neiliang kani ka kani ka manyung da pynsñiaw wa da jooh lai mih ki cha kiwa mihkhmat wow paan yarap da ki tin kam hei wow chna pynmiat ya i yung tangwa ym jooh yoh ki deiwa pynsñiaw leh yei sñiawngooh ya ka seiñ.
