Ka seiñ All Jaiñtia Labour Union (Organise and Unorganised Labour) da pynsñiaw ko yei sñiawngooh ya ka Dorbar Chnong Caroline Colony kawa da smat wow pdiang ya ki 10 tylli ki tre dieñ Cherry Blossom neiynta wow thung hapoh ka chnong.
Ya kini ki tre dieñ da e ha ka 22 tarik uni u bnai ha ka Community Hall ka chnong deiwa em ka yalang wa tbian heiwa u waheh chnong, u E. Lyngdoh da pdiang sñiawbha u ya ki dkhot ka Union wei kattu katni ki dkhot ka chnong nadooh u Secretary, u P. Lamare wa u Chairman ka Environment Committee ka chnong.
Da yoh ia i klam tbian na u waheh chnong hajrong i emkaam ki dieñ, i myntoi hawa yada ya ki, i pynkhooid pynyoosuk ya ki chnong ki thaw wa ki talawiar ka chnong.
Hawa e klam neiliang ka Union, u S. Pajuh, General Secretary da pynsnsñiaw u wa i yada ya ka rymaw toh ki mat krehkaam ka seiñ wei neini chaphrang daw pynjoor u kreh monsñiawbha wa kiwi ki chnong neibynta ka rymaw deiwa thung dieñ wei da kyntu leh ya ki bor chnong wow sumaar ya kini ki dieñ yow heh u san ki yow yoh myntoi ka imlang sahlang neibhah deiwa sumaar da pynyoo yei em i kitkhlieh wow yarap ya ka bei rym-aw.
Neiliang ka Union da wan emlang u President, u Kyrmen Siangshai uwa da e kti ya kini ki tre dieñ ha u waheh chnong, u Joint-Secretary, u Leiwatphi Sutnga wa u Finance Secretary, u Miju Sutnga.
Discussion about this post