Kam chibynta wow pynkhreh yaka Lok Sabha Election wow wan, neiliang u Chief Electoral Officer ka Meghalaya, u Dr. B.D.R. Tiwari da khut pynman yalang u wa u Commissioner & Secretary ka Forest and Environment Department, u Praveen Bakshi wa u Secretary ka Education Department, u Ambrose Marak yow pynman yaka Election kawa khooid wa kawa yirngam hapoh ka jylla.
Ha kani ka yalang, neiliang u CEO da ong u wa ka ECI da kwah ko wow pynman yaka Lok Sabha Election 2024 kam ka Green Election. Kamtæ u CEO ka Meghalaya da pyntip u wa daw pynman yei lai thung dieñ ha waroh ki Polling Station ka jylla.
Da pyntip u leh wa daw e ar tylli ki tre dieñ cha kiwa nyngkong dooh kiwa wan thap Vote itæ kiwa nyngkong dooh ki chynrang wa kynthai wei ya kini u thung ha ka Polling Station wa wan thap Vote ki.
Da ong u leh wa ki Polling Station toh kiwa boon wa pynman ha ki yung skur, kamtæ da kyntu yaka chnat puræ puthi wow pynche ki chaphang ini wei wow jied thaw thung dieñ wei wow sumaar ki.
Chooh chooh toh u booh leh ki dak wow khana kammon wow yada ya u dieñ iwa daw leh da ka Election Department.
U CEO da ong u leh wa emkaam wow pynman ya kani ka Election kawa lait nei pynemkaam Plastic kamjooh yow pynduna yei pynemkaam ki kot.
Discussion about this post