Jowai: I kreh wow pynlait im ya ki 15 ngut napoh ka krem mooyong ha Ksan, East Jaiñtia Hills ynne da sdang biang ko heipor 10 waje i step heiwa ki chipai Navy da pynemkaam ki da ki kor UWROV namo ki Under Water Remotely Operated Vehicle wow hiar cha tre kani ka krem.
Neiliang ki chipai Indian Navy da kyrpaad ki ya ki bor district wow pynsngat ya ka um hadooh 30 meter khnang wow ye biang ki wow ngam hapoh um khnang yow lait na ka Decompression Sickness (DCS).
Ha kani ka thaw dang em hi ki bru na ka NDRF ki wow e yarap wow pynlait ya kiwa chah kset hapoh krem.
Da emlang leh ki bru ka Fire Service yong ka jylla Odisha wa yarap wow pynsngat ya ka um napoh kani ka krem mooyong deiwa yarap wow pynsngat ya ka um na kiwi tawon ki krem wa em hajan kani ka thaw.
Discussion about this post