Jowai: Ka Seiñ Raij Raliang daw pynman ko ya ka yalehke u warim ha ka 16 tarik uni u bnai ha Madan Seiñ Raij Chrah-Umphula Raliang nadooh i por 10:00 waje i step.
Ha kani ka sngi daw pynman ya ki yalehke wa ha rukom kam ka Iahai, Phet Lama, Ialeh Moina, Yapooh Syiar, Lai Kæn Kæn, wa kiwi kiwi kam chi bynta wow pynem warom ya ka sngi wa khroo yong ka Seiñ Raij ka wow man ha ka 23 wa 24 tarik uni u bnai.
Ka seiñ da pyntip ko leh wa ha ka 23 tarik daw pyndep ya ka Niam Ronchyndi Blai kamjooh leh u pynyaleh ya ka yakob kylli yutip (Quiz Competition), yania hajrong ka phang (Debate Competition), wow klam hajrong ka phang wa da jied (Extempore Speech) wa ki wi kiwi, katwa ha ka 24 tarik won kam wa jooh leh khlieh u snem u pynman da ka Chaad Tynre.
Discussion about this post