Tura : Hadien wa yap u Purno A. Sangma, uwa jooh man leh kam u Chief Minister ka Meghalaya wa u Speaker ka Lok Sabha, ynne da kit yei metyap yong oo cha Tura ha ka helicopter ki chipai.
Heini da synran yei metyap u P.A. Sangma da u lat ka jylla u V. Shanmuganathan, u Union Minister of State for DoNER u Dr. Jitendra Singh, u Union Minister of State for Home u Kiren Rijiju chirup wa kiwa hayung hasem yong oo.
Heipor wa kit yei metyap u Sangma na Dobasipara cha i yung yong oo ha Walbakgre da synran da ki kari ki paidbah ha talawiar ka chnong Tura, wei da yieñ ki paidbah ha pynarliang yow yoo yow nongyalam wa maya yong ki heiwa waroh ki dukan dukdoh da khang lut ki wei daw booh yei metyap u ha thawsah u.
Da ki hajar ngut ki paidbah da hiar ki cha i yung yong oo yow li synran wow pyntngen ya kiwa hayung yong uni u nongyalam. Da pynman ya ka yalang wa tbian ha yung yong oo heiwa da em u lat, ki Montri ka sorkar bei wa kiwi kiwi.
U khon yong oo uwa jooh man kam u Finance Minister u Conrad K. Sangma e khublei u ya ka sorkar bei wa da yarap ko wow pynpoi yei metyap u PA Sangma chadooh Tura.
Weiwa daw pyndep yei wa emkaam ha kani ka 7 tarik ha Tura.
Discussion about this post