Khliehriat: U District Magistrate, East Jaiñtia Hills District, Khliehriat, u FM Dopth, da ong u wa da yoh ya ka ujor wa em ki dukan kiwa dai duma ya ki khynnah hajan ki thaw wa em ki thaw uiñke suwari hapoh ka District.
I dai duma ya ki khynnah khamtam hajan ki thaw uiñke man i pyrchah ya ka Section 6 yong ka Cigarette and other Tobacco Products Act 2003.
I dai duma ya kiwa hapoh 18 snem toh iwa da khang pyrchah wei ye leh u chah pynchitom hapoh ka aiñ.
Kamtæ da pynkrehkaam noh ya ka Section 144 Cr.PC wow khang u tyrwa næ dai duma (cigarette or any other tobacco product) ya kiwa hapoh 18 snem wa ha ki dukan kiwa em hapoh 1 Km yong ki thaw uiñke hapoh ka District.
Da khang leh wow dih duma ha ki thaw paidbah wei katkam ka Section 6 (a) wa ki dukan emkaam wow booh ki ya ka kot wa thoh ya kini ki kyntien “Sale of Tobacco products to a person below the age of 18 years is a punishable offence”, wei ymtoh u khian kani ka kot ya 30cm X 60 cm.
Kani ka hukum da krehkaam ko nadooh ka sngi wa pynmih ya ka.
Discussion about this post