Da kylla pyrtuid ya ka Chdooh Ri Jaiñtia Wa Maya cha ka Confederation of Ri Jaiñtia Movement

Jowai: Ka seiñ Chdooh Ri Jaiñtia Wa Maya hadien wa dep pynman yalang ko ha ka 14 tarik uni u bnai da chim ko ya ka rai wow kylla pyrtuid noh ya ka seiñ cha ka Confederation of Ri Jaiñtia Movement hajrong ka yurim wa ka seiñ kwah ko wow chakri rap bniah chooh chooh ya ka ri waka jaitbru da ong u President ka seiñ u Wandahun Suchiang.

Ha kani ka yalang da em leh ki waroh ki dkhot ka seiñ na ki Circle wa ki Unit  waphær waphær.

U President ka seiñ da pynkynmo u yei thmu wa ha khmat dooh ka seiñ wow yada ya ka khyndaw u chyiap, ka riti dustur, i khayii, u khanglad yei wan psiah ki mynder kiwa chong pahooh hapoh ka ri wa kiwi kiwi kamtæ da chim ya ka rai wow kylla pyrtuid noh cha ka Confederation of Ri Jaiñtia Movement.

Ha ka tai ka sngi da em leh u President ka seiñ KJNU u Niman Shadap kam u kongsan wei neiliang yong oo da ong u wa kam ki seiñbhalang emkaam ki i akor ka burom yong ka jaitbru ha ki kaam ki jaam wa leh ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da ong u wa waroh ki seiñbhalang emkaam ki u man kiwa yatylli hei pyrtkhat yow wanrah ya ka suk ha ka ri wa ka jaitbru wei emkaam wow yada ya ka ri na ki mynder.

Neiliang ka Confederation of Ri Jaiñtia Movement da khut ko ya waroh ki khon ki hajar ka ri-loom Jaiñtia wow kreh lang wa ka seiñ yow ye u e ka chakri wa bha ya ka ri.

Ini toh katkam wa pyntip u Vice President ka seiñ u Batki Sari.