Ki BSF wa da yoh COVID-19 da ku ki cha ka 178 ngut katkam wa pyntip da u montri rangbah ka jylla u Conrad Sangma ynne i step.
Kam wow pynkynmoo wa ynnin, ka sorkar da pynbna ko wa da em 159 ngut ki BSF kiwa da pyntikna wa yoh COVID-19 wei da em leh 2 ngut kiwa naka Air Force.
Ynne won, kiwa naka Air Force da ku cha 4 ngut kiwa da yoh.
Ynnin u DC ka West Garo Hills da pyntip u wa da em 5 ngut ki wa yoh COVID-19 hapoh ka District wa kynthup ya 4 ngut ki BSF.
Kam wow pynkynmoo wa haka 10 tarik da em 3 ngut ki BSF kiwa liwan chapoh ka jylla kiwa da yoh COVID-19 kiwa em ha Tura. Ini waroh da pynku ko ya kiwa dang em ya u COVID-19 ha West Garo cha ka 11 ngut.
Hapoh ka jylla kiwa ym toh ki bru BSF kiwa dang em ya u COVID-19 toh 70 ngut iwa kynthup leh ya ki 4 ngut naka Air Force.
Waroh kiwa dang em ya u COVID-19 hapoh ka jylla da em ki 248 ngut, kiwa chait da em ki 45 ngut wa 2 ngut kiwa yap iwa da poi waroh 295 ngut.
