Kiwa da yoh ya u Omicron ha India da kynjoh ki 800 ngut deiwa em 781 ngut iwa ku da 128 ngut nadooh ynnin wei ki jylla wa da em wa yoh Omicron da neh hi ki 21 tylli hadooh ynne ka sngi.
Kiwa da chait na u Omicron da em ki waroh 241 ngut.
Kiwa boon dooh kiwa da dep yoh Omicron toh ha Delhi (238), Maharashtra (167), Gujarat (73), Kerala (65) wa ha Telangana (62).
Waroh won kiwa da yoh COVID-19 hapoh ka ri ha kini ki 24 kynta da em ki 9,195 ngut, kiwa chait 7,347 ngut, kiwa yap 302 ngut iwa mut wa kiwa dang chah ktah da ku ki da 1546 ngut.
Waroh kiwa dang chah ktah da em ki 77,002 ngut, kiwa da chait 3,42,51,292 ngut wa 4,80,592 ngut kiwa yap.
Ynnin ka sngi da leh 11,67,612 tylli ki Test heiwa kiwa chah ktah da em ki 0.79% kawa tip leh kam ka Positivity Rate kawa da neh hapoh 2% la 86 sngi.
Heiyatoh wa i e tika da dep wow e la 1,43,15,35,641 sien heiwa ynnin ka sngi da e 64,61,321 sien.
