Da kynmoo warom ya ka National Gram Panchayati Raj Day wow pynsñiaw ya ki laad yarap ka sorkar

Tura: Deilang waka ri waroh kawi da kynmoo warom ya ka sngi National Gram Panchayati Raj Day ha Rengsangre School Playground kawa em hajan Asanang ha ka yalang wa pynman ka Rongram Community and Rural Development Block, Rongram kawa em ha West Garo Hills District ha kani ka 24 tarik wa da dep. Kani ka sngi man ko kam wow kynmoo yei kylla ka riti synchaar ka ri wa tip leh kam ka Constitution (73^rd Amendment) Act, 1992 kawa krehkaam nadooh 24 tarik u Naitung (April) 1993.

U Deputy Commissioner, West Garo Hills District, u Ram Singh da klam u chaphang kiwa boon ki Scheme ka sorkar India kam ka Ujjwala Yojana, Ghar Ghar Me Bijli, Jan Dan Yojana, wa kiwi kiwi kiwa thmu wow pynku kyrdan yei rukom im ha ka ri waroh kawi.

U DC da lai kjat u leh cha kiwa boon ki chnong wa em ha kini ki thaw wei da chem u wa da boon ki khloo wa chah ah wei chah thang (Jhum Cultivation) yow rep wei ini i wiar ki khloo da poi ki chadooh ka Reserved Forest ki thaw wa mih ki um wei da boon wa thung da ki dieñ kwai.

U DC da pynsñiawthooh u ya ki bru yei ma wa mih manda ah lut syndet ya ki dieñ kamjooh heipor wa thung da ki dieñ ki wym toh kiwa jooh mih kam ki dieñ kwai wei toh u syndong bha ki ya ki thaw wa mih ki um.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U DC da chem u leh ya i boon wa noh Plastic noh jhep cha ki thaw baamdoh wei da phah u leh ya ki Self Help Group wow pynkhooid ya kini ki thaw kamjooh wow sikai ya kiwa lai baamdoh wym toh u pyntaroi ki.

Ha ka yalang wa pynman waroh chi sngi u Assistant Director, Department of Agriculture, Probat Sangma da batai u chaphang ki Scheme wa e kani ka tnat kam wow chna sboh, Kishan Credit Card, i yarap poisa wow thied ya ki Pump um, ki kor loor lyngkha wa kiwi kiwi.

U Assistant Director, Horticulture u Tasri Momin da klam u yei rep ladaw, soh khontara, Strawberry wa kiwi kiwi.

U Medical Health Officer, Asanang Public Health Centre, Dr. T R Marak won da klam u chaphang ka Megha Health Insurance Scheme, Pradhan Mantri Matriva Bhumi Yojana, JSY waka Special Intensified Mission Indradhanush.

U Animal Husbandry and Veterinary Officer, Rongram C&RD Block, Dr. JR Marak won da kyntu u ya kiwa ri mrad yow e dawai tista ya ki mrad wei wow booh ya i dak ha i doh i pran ki mrad yow suk u tipmit ya ki.

Neiliang u Nokma ka Rengsangre, u Nekson Sangma da khana u cha u DC yeiwa chem chitom ki neidaw wa duna um hanlada em ka wah khian wa lai lyngba ka chnong katwa u Nokma ka Asanang, u Rosalin Marak won da khana u yei duna um kamjooh wym biang poi ka bordiñ cha ki.