Shillong: U montri rangbah ka jylla, u Conrad Sangma ynne da wai u ya ka Civil Services Day 2018 ha ka yalang wada pynman ha State Convention Centre, Shillong hajrong ka thong “Improving Public Service Delivery Through Innovations”.
Ha kani ka sngi da emlang ki sahep IAS, IPS, IFS, MCS, MPC wa SFS yong ka jylla ya kiwa da yahkhmat da u Chief Secretary, u Y. Tsering.
Kam u kongsan ha kani ka sngi u Conrad da ekhublei u ya kini ki sahep wei da e yaroh u ya ki yei chakri wa da e ki ya ka jylla.
Da pynkynmoo u leh ya ki wow pyndep ki yei kaamram yong ki wei wow chim ya ka rai kawa miat tam deiwa e nongmuna wa ka sorkar thmu ko wow wanrah i roi i paar hapoh ka jylla.
Hajrong kani ka thong u Conrad da ong u wa i chemphang ym chong i du ha ki stat ka juk wa katni tangwa deiwa pdiang wei wow pynemkaam chwa yei kylla iwa wan katkam wa yah ka por lyngba ki project wa ki scheme ka sorkar khnang wow ye u wanrah yei kylla hapoh ka jylla.
Discussion about this post