Shillong: Kam chibynta wow leh warom ya ka lyngkhooh dap 18 snem ka sngi yap u Captain Keishing Clifford Nongrum, ka Raj Bhavan, Shillong da pynman ko da ka phet Marathon nadooh na Madan Iewrynghep hadooh ha Basketball Court ka JN Sports Complex, Shillong wei da pynbood da ka e snaam sñiawbha ha kani ka sngi kawa tip leh kam ka Captain Keishing Clifford Nongrum Memorial Day Function wa pynman ha Raj Bhavan, Shillong.
Ha kani ka yalang u lat leh da pyllait u ya ka phlim wa pyrtuid, “At the feet of Motherland: Life of Captain Clifford Nongrum” wei da pynkup burom u leh ya ka bei wow pa u Captain Clifford.
Da saam khusnaam leh cha kiwa jop ha ki yakop waphær waphær wa pynman ha u Naiynru kamjooh cha kiwa jop ha ka yakop phet Marathon.
Kiwi de kiwa em ha kani ka sngi toh u Y. Tsering, Chief Secretary, Col.(Retd) Virendra Singh Bhalotia, Lt. Gen. Satish Dua, Chief of Integrated Defence Staff to Chairman, COSC &Colonel ka J.K. Light Infantry Regiment wa kiwi kiwi.
Discussion about this post