Jowai: Ynne ka sngi kawa man leh kam ka World AIDS Day da kynmoo warom ya ka ha Jowai da ka yalang paidbah wa pynman da ka Mihmyntdu Community Social Welfare Association (MCSWA) hei ya krehlang wa ka District Legal Service Authority (DLSA) ha Iawmusiang, Ummulong Stand hajrong ka phang “Know your Status”.
U D. Pde, Jowai Traffic Incharge Jowai Traffic, u D. Marbaniang, Secretary District Legal Service Authority, ka Dr. H. J. Uriah, ka Dr. A. Paswet da emlang ki ha kani ka yalang.
Kiwa klam ha kani ka sngi da ban joor ki wa dang emkaam bha wow pynman ya ki pynsñiawthooh paidbah heiwa kammon wow yada na ini i kjut wei wym toh u kyntait wei wow tieñ ya kiwa em ya ini i kjut neidaw wa ki emkaam ki i kyrchaan na ka imlang sahlang yow yoh yei sumaar wa ki dawai dachin wa biang.
Hajrong ka phang “Know your Status” da klam da ka Dr. H.J. Uriah kawa da pynchlur ya ki paidbah wow wan ki chakhmat yow lai phah Test yow tip ki boi em khniang HIV ki yow ye u yoh yei sumaar biang por.
Ka Dr. A. Paswet da khana ko ya ki ar tylli ki Project wa ka MCSWA wa da pynkrehkaam ki heiyatoh wa ini.
U D. Marbaniang hei klam yong oo da ong u wa ka DLSA ka yarap ki neiliang ka aiñ ya kiwa em ya u khniang HIV kamjooh ki khynnah wa da kha chirup wow HIV kiwa da dooh yei hok yong ki.
Discussion about this post