Da kynmoo warom ya ka World Blood Doners Day ha Blood Bank Jowai

Jowai: Ka Blood Bank Jowai, Panaliar chirup i yakrehlang waka Meghalaya Aids Control Society Shillong kamjooh waka Meghalaya State Blood Transfusion Council, Shillong da kynmoo warom ki ya ka World Blood Doners Day ynne ka 10 tarik.

Ya kani ka sngi da tip kam ka District Level Observation wa da pynman hajrong ka phang yong uni u snem kawa ong “What can you do? Give blood give now, give often”.

Ha kani ka sngi ya ka yalang da pyllai daka Dr. I. Challam Superintendent Civil Hospital hei ya emlang ka Dr. P. Shylla Senior Medical & Health Officer In-charge Jowai Blood Bank, ka Dr. Alyya Member Secretary SBTC heiwa u Dr. S.S. Nongbri DM&HO Jowai da man u kam u kongsan.

Da wan wow ap wow sñiaw da ki wa sikai ki khynnah puræ ka Thomas Jones Synod College, ka Kiang Nangbah Govt College, ka North East Adventist College wa kiwi kiwi.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U kongsan Dr. S.S. Nongbri heiklam yong oo da ong u, i snaam toh iwa kordor tam wada e sñiawbha da u blai neibhah wa ye u pynim ya chiboon ki mynsiem bru wa em ha kyndian yap neidaw wym yoh snaam ki hei kjut chitom.

Kut ki hospital da em bait ki bru wa emkaam snaam, heipor wa em ka ya tyrrah kari, kiwa duna snaam heipor wa kha khon kamjooh kiwa mih snaam neidaw waleh i kjut waphær waphær.

Kamtæ da kyntu u ya ki paidbah wow wan ki chakhmat u e sñiawbha yei snaam neibhah kani ka Blood Bank duna snaam bha ko hawa nujor wa kiwi tawon ki Blood Bank haka Jylla. Da kyntu haroh u wymtoh u tieñ u pyrkhat boonjait neibhah ki Doctor chwa u chim snaam ki leh daw pait daw sylli bniah chwa ki, wei lym yoobiang, ki leh ym chim ki.

Da ong haroh u lada ki paidbah kyrchaan ki ya ka Blood Bank pynyoo wa e mynsien næ kyrchaan ki pyn ya kiwa hayung hasem, ki kur ki kha, kamjooh yaka imlang sahlang, neibhah i snaam wa e sñiawbha i, ye ko u lai cha kiwa hayung hasem, ki payu para yong ki hi, kamjooh wat cha kiwi tawon ki para bru wym tipmit.

Ha kani ka sngi da saam leh yaki memento cha kitu ki dhab wajooh wan e snaam sñiawbha, kamjooh ki bru samen wa e snaam dei langær.

Hadien wa kut ka yalang da em leh i e snaam sñiawbha wa da chim bynta da ka Jingiaseng Samla Ladthalaboh Jowai, ka NSS Unit Thomas Jones Synod College, Kiang Nangbah Govt. College, North East Adventist College wa kiwi kiwi.