Da kynmoo warom ya ka World Folklore Day

Jowai : Ka English Department yong ka Kiang Nangbah Government College, Jowai ynne ka sngi kam chi bynta ka National Seminar da lehkmen ko ya ka World Folklore Day yow kynmo ya ki parom hiar pateiñ nadooh i rukom khana parom yong u warim wa jah wei yei wa emkaam u pynneh wei wow sñiawthooh ya ki.

Da wan boon ki bru chemphang ha kani ka sngi yow klam ha ki phang wa phær wa phær kam ya i parom yong u “Sier Lapalang” da ka Dr. C. K. Kharshiing wa u F.M. Majaw. Kiwi ki phang da yaklam ynne ka sngi da ki bru wa chem phang toh nadooh ki Syiem wa heipor yong ki kammon pynneh pynsah ki ya ki parom yong ki, i parom ka Raij Padu Pamtdong wa ka Raij Jowai wa kiwi kiwi ki phang.

U Dr. R.C. Laloo kam u kongsan ha kani ka sngi da yaroh u yeini i pyrchang ka English Department yow pynman ya kani ka seminar neibhah u sñiawthooh wei wow pynneh ya ka ktien ka thyllieh man ko kawa emkaam bha wei da yaroh u ya ka JHADC wa ya ka JSU yei pyrchang yong ki u pymih ya ki dak Pnar.

Ha kani ka sngi da em leh u Prof. J.B Bhattacharjee, u Vice Chancellor wa rim ka Assam University, Silchar kam u symbood kongsan uwa jooh sikai ha ka College nei por wa rim heiwa dang tip ya ka College kam ka Jowai Government College.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da em leh u Prof. Desmond L Kharmawphlang, Head Dept of Cultural and Creative Studies, NEHU, Prof. L.S Gassah, Honorary Director, ICSSR-NERC, Prof. Surjeet Singh, Department of Linguistic Anthropology, Punjab University wa u Prof. Ananya S Guha Regional Director, IGNOU, Shillong.

Ya kani ka seminar daw pynkut ya ka mynstep ka 23 tarik.