Ynne ka sngi kam ka dak wow sdang ya ka lehkmen dap 75 snem nadooh wa laitlooid ka ri, ka NSS Unit chirup wa ka History Department ka Kiang Nangbah Government College da lehwarom ki ya kani ka sngi da ka yalang heiwa da kynmoo warom ya ki Khlawait ka Ri Jaiñtia deiwa pynman da i klam yow kynmo burom ya ki Khlawait ka ri Jaiñtia kiwa ym em u bna naam ware.
Ha kani ka yalang da khana chaphang u Woh Kiri Dolloi uwa man u Dolloi ka Elaka Changpung da ka khynnah puræ ka College ka Cherfully Kharsati.
Heipor wa man u kam u Dolloi da em u chiboon ki daw kiwa pynmman ya oo kam uwa mikhmat yow yaleh pyrchah ya ki pharæng kiwa chim dan pyrchah yei sñiaw ki paidbah wei da pynthut ki leh ya ka lehniam ki bru.
Ha kani ka yaleh thma wa ki pharæng da chah tynyap u ha 5 Thohlakmi 1862.
Da ieh u chadien ya ka kurim ka yong oo ka Chyndon Papang wa u khon uwa dang khian.
Da klam won chapang kawi ka manbei kawa na Dienshalalu, East Jaiñtia Hills kawa jooh khut ki ka Lamurong na ka kur Lamurong da kawi won ka khynnah puræ ka Joniki Ksih.
Kani ka manbei da man ko kam kawa yahkhmat na ka chnong heiyatoh wa i yaleh pyrchah wa ki pharæng.
Ya kani ka yalang da pynlai da u M. Passah uwa sikai ka History Department wei kamjooh leh u NSS Programme Officer ha ka College.
