Ka District Mental Health Programme, East Khasi Hills ynne ka sngi da leh kynmoo ko ya ka “World Mental Health Day” ha ka yalang wa da pynman ha KJP Assembly Conference Hall, Shillong hajrong ka phang “Make Mental Health & Well-Being for all a Global Priority” heiwa u Noor Khan, Chairman cum District & Session Judge District Legal Services Authority da wan u kam u kongsan katwa ka Dr. Y.E Phira, Addl. DHS (Research) da man ko kam ka symbood kongsan.
U Noor Khan da yaroh u ya ka District Mental Health Programme wa da kreh ki neibynta u pynyoh yei bor pyrkhat pyrdain da iwa chait neibynta waroh. Da ong u leh wa ynne ka sngi toh u pyntikna wa ini waroh toh u tip bha da ki bru paidbah yow sñiawthooh ki chaphang ini kamjooh neiliang ka aiñ leh u pynyoh ko yei hok kiwa em yei chitom deiwa ong wa yei pynsñiawthooh toh u sdang nadooh na ki skur wei kam kiwa sikai skur em ki kawa emkaam bha ha ini i bynta.
Ha kani ka sngi da emlang leh ki bru wa chemphang kiwa da klam hajrong ka phang ‘Role of Psychiatrist & MIMHANS in Mental Health’, ‘Role of IPS, Meghalaya Branch in the field of Mental Health, Social causes/issues in relation with Mental Health’, ‘Role of Police regarding people with Mental Health and Mental Health Act, 2017’.
Ha kani ka yalang da saam leh cha kiwa jop ha ka yakob chna Poster waka Slogan Competition wa da pynman da ka District Mental Health Programme, East Khasi Hills.
