Jowai : Ka Chaad Sukra ka Seiñ Raij Muthlong kawa sdang ha kani ka 8 tarik da pynkut ya ka ha kani ka 9 tarik Ñaitung (April) 2016, ha Madan Nohrong ha Thadmuthlong.
Kani ka Chaad Sukra ha uni u snem man ko kawa chongchit bha heiwa da ki hajar ngut ki khon ki raij wapher wapher kiwa kynthup ya ka Seiñ Raij Pammanik, Seiñ Raij Rashai, Seiñ Raij Mukhap, Seiñ Raij Sohkymphor, Seiñ Raij Latymphu, Seiñ Raij Thadsning, Seiñ Raij Narwan wa ka Seiñ Raij Khlieh Muchut Moolibang Shangpung.
Ha kani ka sngi khaddooh da wan sakhi u ma C.Ymbon MLA ka 3-Raliang Constituency, u ma S.Suchiang MDC 20-Muthlong Sohkymphor Constituency, u ma R.Tang MDC Chilliang Myntang Constituency, u ma S.Tang Nominated MDC JHADC, Pator Muthlong, Acting Dolloi Shangpung wa u Acting-Dolloi Jowai.
Ha kani ka sngi da saam leh ya ki khusnaam cha kiwa yoh 1st Division ha ki Exam wapher wapher nadooh ki examin matrik chaneiñ cha waroh ki khon ka Seiñ Raij Muthlong.
Discussion about this post