Kam chibynta i kynmoo yaka sngi kyrpang yong i kordor i dud næ ka World Milk Day kawa jooh pynman khlieh u snem haka 1 tarik u Naiynru, neiliang ka yung krehkaam ka Krishi Vigyan Kendra (KVK) Jaintia Hills ynnin ka sngi da chim ko yaka bynta wow kynmoo warom ya kani ka sngi deiwa pynman ya ka Webinar lyngba ka Internet kawa da chimbynta da ki warep.
Ha kani ka yalang da pynman leh ya ka Online Training namo ka e sikai ya ki warep yong ka Jaiñtia Hills, wei neiliang u Dr. R Suchiang, SMS (AH&Vety), KVK Jaintia Hills da ong u wa i dud masi yarap i yei yoh nong kiwa ri masi.
U Dr. R. Suchiang da pynchlur haroh u ya ki warep wow chim ki yei kaam ri masi kam la laad seiñ khih seiñ kreh wei pyndap ko leh yei emkaam dud ha ka jylla.
Ha kani ka sngi da em leh ka Farmers Scientist Interaction namo ka ya phyllu yumut hapyrdi ki Scientist yong ka Office KVK wa ki warep.
Ha kani ka Webinar wa pynlai da ka Dr. Alethea Dympep, SMS (Agril. Extension), KVK Jaintia Hills, da yoh yei ktien pdiang burom da u Dr D. Pasweth, Senior Scientist & Head KVK Jaintia Hills katwa yei kyntien sñiawngooh hawa pynkut yaka yalang da e daka B. Kharbamon, SMS (Horticulture), KVK Jaintia Hills.
