Da kyntu ya ki paidbah wow thied du ya ki mar wa em dak ISI 

U Sub-Divisional Officer (Sadar), East Jaiñtia Hills District, Khliehriat da pyntip u wa i lehkmen wa dap 75 snem i yoh laitlooid ka ri wa tip kam ka “Azaadi ka Amrit Mahotsav” ka Central Consumer Protection Authority (CCPA) u sdang ha waroh kawi ka ri wow pynche ya kiwa dai wa thied da ka Bureau of Indian Standards (BIS) wei wow khang yei dai mar thok kiwa man pyrchah ya ka hukum ka sorkar pyrdi namo ka Quality Control Orders (QCOs).

Hapoh Section 2(10) yong ka aiñ Consumer Protection Act, 2019, ki mar kiwa ym man katkam ki kyndon wei kiwa ym em u bood katkam wa da phah, ya kini ki mar u kheiñ wa da man ki kiwa da sih. I dai ya ki mar kiwa tyngkheiñ ya ka kyndon hapoh ka QCOs toh iwa pyrchah yei hok kiwa thied wa ya ki kyndon ka aiñ.

Hapoh ka Section 2(47) yong kani ka aiñ da khang wow dai ya ki mar thok wa kiwa da chna ymtoh katkam ki kyndon wei i dai ya ki ye i wow ktah ya kiwa thied iwa ye leh wow wanrah yei mynsoo ya ki paidbah neidaw i rukom song, i rukom chna wa kiwi de.

I dai wei i tyrwa wow dai ya kam kini ki mar man man i pyrchah yei hok ki paidbah iwa man katkam ka Consumer Rights hapoh ka kyndon Section 2(9) ka Consumer Protection Act.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow kdaw ki QCOs toh wa da pynkreh da ka sorkar pyrdi khnang wow man ki mar kiwa bha kiwa kynthup ya ki Electric Immersion Water Heaters IS 302-2-201 (1992), Electric Iron IS 302-2-3(1992), Switch bordiñ wow pynemkaam ha yung IS 3854:1998, Hand Held Blender IS 302: Part 2 Sec 14, Domestic Electric Food Mixer (Liquidizers and Grinders), ki Centrifugal Juicer IS 4250, Domestic Gas Stove wa pynemkaam Liquefied Petroleum Gase IS 4246:20020, Aluminium Foil yow song baam IS 15392, ki kor soor that IS 15449: Part 1:2004, ki Helmet ya kiwa yah thuk-thuk IS 4151: 2015, Microwave Oven IS 302: Part 2: Sec 25: 2014 wa u Cooking Gas Cylinder katkam ka Gas Cylinder Rules, 2016 wa kiwi kiwi.

Kiwa tyngkheiñ ya ka QCOs ym du booh ki hei maa ya ki bru samen tangwa ye leh u pynmynsoo ya kiwi tawon kamjooh kiwa hayung hasem.

Kamtæ da kyrpaad wow thied ya ki mar kiwa em bait ya i dak ISI.