U President ka International Olympic Committee (IOC), u Thomas Bach, chirrup wa u montri rangbahdooh ka Japan, u Abe Shinzo, chirup wa u Mori Yoshiro, President ka Tokyo 2020 Organising Committee; u montri ka Olympic u Hashimoto Seiko; wa kiwi kiwi da chong yalang ki hajrong ka lympung yalehke Olympics ka wow man ha sorbah Tokyo, Japan ha uni u snem.
Neiliang u Bach wa u Abe da pynsñiaw ki yei sñiawkhia hajrong ka khlam u COVID-19 uwa da poor ha kylleiñ ka pyrthai iwa da ktah ya ki lak ngut.
Ha ka yalang da booddien yei kreh neibynta ka Tokyo Olympics 2020 kawa da lai bait chaaid chaaid.
Da pynsñiaw leh wa da em palat 375,000 ngut kiwa da yoh ya uni u khñiang ha awjan waroh ki ri ka pyrthai.
Chooh chooh da ap leh yei ong ka WHO wei da chim noh ya ka rai wa ka Olympics ha Tokyo u kyrriah tarik noh ya ka hadien u snem 2020 wei chwa i liyur u snem 2021, khnang wow yada ya kiwa chimbynta ha kani ka lympung.
Da chim leh ya ka rai wa i diñ kani ka lympung ya iwa tip leh kam ka Olympic Flame u neh i ha Japan wei da rai leh wow pynneh bait yei pyrtuid ka lympung kam ka Olympic wa Paralympic Games Tokyo 2020.
Kani ka Olympics kawa toh u man ko ha u Naiynñiaw wa u Naisaphra ha Tokyo, Japan.
Discussion about this post