Ka JAC yong ki seiñ kiwa kamai truck da pyntip paidbah ko wa yaka Meeting wa da booh wow pynman ha Secretariat Conference Hall ynne ka sngi kawa da khut da u Chief Minister ka jylla hapyrdi ka JAC waki karkhana pynmih khyndaw-bilat wa em ha East Jaiñtia Hills District da kyrriah noh cha ka 13-07-20.
Haka 13 tarik, yaka yachem u pynman ha Auditorium, Yojana Bhavan heiwa da phah wan mar 15 ngut chiliang yow ye u bood yaki kyndon Social Distancing wei da pynpep leh yaka Meeting neidaw wa u Chief Minister hap u wow leh yaka Quarantine hadien wa wan u na Manipur.
Ha iwi i liang, ka sorkar da kyrriah ko ya kani ka Meeting neidaw leh wa em ka Lockdown kattæ hapoh Guwahati ka wow kut hadooh ka 12 July 2020 wei neiliang ki karkhana ym wan da ki tre neidaw wa em ki ha Guwahati.
Neiliang ka JAC da ong ko wa man-i-por wa yachem wa kiwa na kini ki karkhana da wan bait da ki Manager kiwa ym ye u e rai hadooh wa ka yachem ym poi ko cheiwon cheiwon. Kamtæ da pdiang wow yang hadooh ka 13 tarik wei da booh yei kyrpaad hakhmat yong ki paidbah wow man ki kiwa yaichah khnang wa i dawa u man i iwa mihsoh.
Ka kyrwoh na u Publicity Secretary ka JAC u Jersom Shylla.
