I pyntip cha phi ki paidbah wa maya yei yalehbol wa heiyatoh waka 3-Raliang Constituency Football Tournament 2023 wa da pynlai da ka Seintyllilang Sports & Cultural Club, Shangpung kawa da kyrchaan (Sponsored) da u MLA ka 3-Raliang, u Comingone Ymbon, da hap wow kyrriah tarik noh ya ka Final na ki daw wym ye u yait.
Ka yakhun Final toh kawa da dep booh tarik wow pynman ha ka 19-09-23 tangwa u rah noh cha ka 23-09-23 heipor 1:00 waje i sngi ha Shangpung Pohshnong ha madan Pohlyngdoh.
Da kyrpaad leh ya ki paidbah kiwa thied ya ki Ticket Lucky Draw wa da pynman da ka Seintyllilang Sport & Cultural Club, Shangpung hi wow sñiawbha ham noh ya ki Ticket yong phi neibhah ya ka Lucky Draw daw pynkhle ha katai hi ka sngi wa pynman ya ka Final ha ka 23 tarik.
Kamtæ da khut da wer ya phi ki paidbah wei wow sñiawbha u yah lang ya ki lok ki jor yong phi yow wan pynchongchit ya kani ka yakhun Final hapyrdi ka Pasyih waka Giovento Mynso.
Kam wow pynkynmoo wa kiwa jop Final daw yoh ki ya ka song poisa kawa Rs. 2 lak katwa kiwa rem won Rs. 1 lak.
Uwa pyntip cha phi, u Firstborn Suchiang, Secretary Sports.
Discussion about this post