Da kyrriah ya ka tarik wow thap ya ki form yong ka football ka 6th Jaiñtia Meet 2017

by Wyrta Staff

July 19, 2017

Reading Time: 1 min read

Jowai: Ka seiñ JSU-1 Shillong Circle da pyntip ko cha ki khynnah wa da chim ya ki form football yong ka 6th Jaiñtia Meet 2017 ha Shillong wa da kyrriah ya ki tarik wow thap ya ki form.

Ha ki notice da booh chwa wa ka 17 tarik toh ka sngi khaddooh wow thap ya ki form, tangwa na ki daw wym ye u kiar da kyrriah ya ka tarik cha ka 20 tarik.

Ka Committee Sport JSU-1 Shillong Circle da rai ko wa ki Captain na kawi kawi ka dhab u wan ki ha ka 22 tarik wow pynkhle ya ki.

Yow tip bniah ye u phone ha ki number wa da booh.