Da kyrriah yei thaw nohjhep na rood Mynkajai cha i thaw wa rap jngai kajak na ka wah

Jowai : Nadooh ka 1 Kmaichonglad 2015 ka Jowai Municipal Board da dep khang ko yei thaw noh jhep wa em ha Pohsatakhap (Jowai-Dawki road) harood wah Mynkjai hadien wa yoh boon i ujor na ki paidbah.

Ya ki khjep wa em ha ini i thaw noh warim da dep pyllang wei kyrriah katwa ya ki klong, ki plastik wa kiwa kiwa dang ye u recycle da pyllang ha ki churia wei da dai ya ki.

Ya ki jhep wa sah da kyrraih cha i thaw wa thymme tangwa kattæ leh dang em ki wa sah wei da pyntip leh wa ym em poisa de u su yow kyrriah ya waroh i jhep cha i thaw wa thymme.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya i thaw noh jhep wa thymme, toh i wa em cha kylla ka wah Mynkjai i wa ym em jngai chi kilomitar leh nei warim. Ini i thaw man i kam i thlu wa heh wei waroh i jhep katni da noh heini.

Hei yaklam wa u ma S.C. Laloo, CEO, JMB da ong u wa yei thaw noh jhep wa heh 5 Acre da dep thied nadooh u snem 2003 ha ka chnong Sabah Muswang tangwa ym ye u pynemkaam ya ini i thaw neibhah wa pyrchah ki tre chnong yei rukom pyllang jhep neibah wym pu ye u leh kat kam ka juk thymme.

Yow pynchna ya ki kor wow leh ya ka Scientific Waste Disposal emkaam kamwa T. 3 klur yow thied ya ki kor thang jhep kamjooh yow recycle.

Ya ka Proposal da phah cha ka sorkar nadooh u snem 2003 tangwa hadooh kani ka 13th Finance Commission ym pu yoh poisa neibynta u thied tiar yow pynemkaam ha Sabah Muswang.

Da ong u ma Laloo wa katni leh hei thaw thymme wa noh katni hajan mynkjai leh em ki seiñ wa pyrchah ya ka neidaw wa ym pu ye u leh ya Scientific Waste Disposal.