Ka District Level Inter School Subroto Mukherjee Cup Football Tournament 2023 yong ka West Jaiñtia Hills District daw sdang ko nadooh ka 20 tarik uni u bnai kawa da pynbait wow pynman ha Kiang Nangbah Stadium, Jowai wa ha madan ka Kiang Nangbah Govt. College (KNGC); da hap wow rah ya waroh ki yalehke cha Kiang Nangbah Stadium.
Yeini da leh hadien wa neiliang ka yung krehkaam u DSO manda lai pait ki ya ka madan ka KNGC da chem ki toh ka wym biang u pynman ya ki yalehke neidaw wa da chah ktah ko nei joor u slap ha kini ki sngi wa dep.
Kamtæ ki yalehke wa da booh u pynman mynstep ha madan ka KNGC u rah noh cha ka Kiang Nangbah Stadium wei daw pynman noh ya ki ha ka 21 tarik wei da pynthymme leh ya waroh ki yalehke.
Ya ki Match Fixture wa thymme ye wow lai chim na yung krehkaam u DSO wei yow tip bniah ye wow Phone ha kini ki Number- 9774407962/9612942208.
Kam wow pynkynmoo wa ha uni snem ha ki Under- 17 Boys da em 28 tylli ki skur wa chimbynta. Ha ki Under-14 Boys da em 26 tylli wa chimbynta katwa ha ki Under-17 Girls won da em 9 tylli ki skur wa chimbynta.
