Ka sorkar jylla da booh thong ko wow pyndep noh ya u sarok Shillong-Dawki hapoh u snem 2026. Uni u sarok da toh wow pyndep ha u snem 2022 tangwa da slem noh neidaw wym yoh thaw wei wa em ki khloo ha luti kamjooh ki Pipe umkor ka PHE kiwa da piah nei thmu wow tih ya u sarok.
U Symbood Montri Rangbah wa pait ya ka PWD (Roads), u Prestone Tynsong da pyntip u wa i kreh ya u sarok katni da lai smat i iwa kynthup ya u sarok Four Lane nadooh Umshyrpi hadooh Mylliem, heiwa ka bynta wa soo ka Project da lai i chaphrang.
Da ong u wa iwa dang sah toh wow yoh thaw neibynta ka Pynursla Bypass wa haap hapoh ka Package-III.
Chooh chooh da ong u wa u pyndep ya u sarok ha u snem 2026, wei kini ki Company kiwa kreh nadooh ka Package-I, Package-II, Package-III, Package-IV wa Pacakage-V da pynsmat bha ki ya i kaam wei iwa dang sah toh wow yoh thaw neibynta ka Pynursula Bypass wa haap hapoh ka Package-III.
Katkam wa ong u Prestone, waroh soo tylli ki Company kiwa pynkreh ya u sarok da wanrah ki da ki kor ki bor kiwa khlan, wei da pynboon leh ya kiwa kreh hadooh 6-7 thaw chisien kreh.
Hajrong u sarok Pynursula Bypass, u Prestone da da ong u wa da pynbait wa ki tre thaw, ki Raid, ki chnong wei ym mih de i eh deiwa pynrap wa ha i por wa pynbna da mih pyrtuid u ‘A’ wei hadien mih sa u ‘B’ kiwa kam wa toh i thaw yong ki. Em kiwa kam wa e ka bei ya ki em won wa e u kñi wei boon rtap bha kam kini iwa da pynslem wow e kti yei thaw.
U Prestone da ong wa i daw wa ieh khlem pyndep yong kawi ka Company wa pynkreh ya u sarok nachwa leh toh neidaw wa slem u yoh thaw wei kamwa man katni i kreh wa dadep man i 90%.
U sarok Shillong-Dawki wa jrong 90 Km em u hadooh san Package, wei ya uni u sarok da e poisa da ka Japanese International Cooperation Agency (JICA) ha i lut wa Rs. 1,377.5 klur.
Discussion about this post