Jowai: Ka District Child Protection Unit, ICPS, Social Welfare Department ynne ka sngi da pynman ki ya ka yachemlang deilang waka lehkmen Pre Christmas Celebration neibynta ki khynnah khonswet wa sumaar ka Children’s Home (Girls), Mihmyntdu, West Jaiñtia Hills, Children’s Home (Boys), Chutwakhu, West Jaiñtia Hills, KJP Synod Mihngi, Children’s Home Wahiajer, West Jaiñtia Hills waka NEIMA Orphanage Home, Sahsniang, West Jaiñtia Hills.
U S.C. Laloo, ADC WJH uwa man kam u kongsan ynne ka sngi hei klam yong oo da ong u wa boon ki por mylliñ i kam ka imlang sahlang ya kam kini ki khynnah wei sniawkmen u yoo wa da leh burom ya ki ynne ka sngi wei da pynkynmoo u leh wa u Blai emlang bait u wa ki wei ym toh u dooh mynsien ki.
Ha kani ka sngi da saam khusnam cha ki khynnah na kini ki thaw ri thaw sumaar khonswet kiwa da leh bha ha ki Exam yong ki wa kynthup ya u Nangroi Phawa, Rimi Pohrmen na NEIMA Sahsniang, u Riheisalanmi Sungoh na Children Home Boys Chutwakhu, ka Risuk Lyngdoh na Children Home Girls Miyntdu wa Renew Shylla na KJP Wahiajer wei da ah leh ya u Cake wada chna kyrpang neibynta kani ka sngi.
Neiliang ki khynnah da e ki boon ki rwai, ki chaad, ki yalehke droma wei da wan leh ki dkhot ka Jowai Parish waka KJP Synod Mihngi, Jowai kiwa pynchongchit ya kani ka yalang.
Discussion about this post