Ka National Oral Health Programme deiwa ya krehlang waka National Tobacco Control Programme (NTCP) da leh kynmoo ki yaka “World Oral Health Day” ynne ka sngi haka yalang wa pynman haka KJP Assembly Conference Complex, Shillong. u Ram Kumar, Mission Director, NHM da wan u kam u kongsan katwa ka I. Laloo, Deputy Commissioner, East Khasi Hills da man ko kam ka symbood kongsan.
Ka phang ha kani ka sngi toh “Be proud of your mouth because good Oral Health can help you live a longer, healthier life”namo “Wow sarong yei chait i khiah i ktien iwa daw e yei im wa slem wa iwa chait.”
U Ram Kumar hawa e yei klam da ong u wa boon ym em chimkhai i yei chait i khiah i ktien yong i iwa da wanrah yei mih kiwa boon ki kjut khlem da tip i. Da ban joor u leh wow pynmyllien ya ki kaam wa bha nadooh wa dang khian iwa daw pteiñ hadooh wa heh. Da pynchlur u leh ya kiwa dang lai skur wow yait na ki myllien wa sih kamjooh wow pynpoor yaka khubor pynchlur wow leh ya ki pynmyllien wa bha.
Ka Deputy Commissioner da ong ko wa i chait i khiah ki lamieñ wa waroh kiwa em hapoh ktien toh iwa duna bha wa yaklam chaphang ini manda yatoh wa i chait i khiah. Da ong ko leh wa ha Meghalaya i pynmyllien yei baam kwai toh da man i kam chibynta i im ki bru tangwa i baam cha palat pood da wanrah ko yei ktah yei chait i khiah khamtam ha i bynta i ktien, kamtæ da ong ko wa emkaam wow pynduna yei baam. Da e buit ko leh ya ki khynnah skur wow pynpoor ya kani ka khubor yow ye u yada yei chait i khiah kiwa imlang sahlang.
Ha kani ka sngi da yoh leh yei klam hajrong ka “Oral Health & its significance” wa e da Dr. N. Mawrie, Senior Dental Surgeon, Bhoirymbong CHC wa i klam hajrong ki Non Communicable Disease da e da Dr. R. R. Marak, District Nodal Officer, NPCDCS. Kiwi de kiwa klam toh Dr. M. R. Basaiawmoit, DMHO, East Khasi Hills wa Dr. B. Kanti, District Nodal Officer, NTCP & NOHP.
Hachwa ini, ka Dr. Y. Phira, Joint DHS MI, da kaweh lama ko yaka lai paidbah wa sdang na yung krehkaam u Director of Health Services (DHS), Laitumkhrah kawa da pynkut ha KJP Assembly Conference Complex, Shillong.
