Ya ka 12th National Voters’ Day da leh warom ya ka ha West Jaiñtia Hills District ynne ka sngi heiwa da sdang ya ka da ka Cycle Rally wa pynman da ka yung krehkaam u Deputy Commissioner (Election) West Jaiñtia Hills District deiwa krehkaam lang waka yung krehkaam u District Sports Officer West Jaintia Hills District Jowai kawa da sdang na Kiang Nangbah Stadium, Ladthadlaboh.
Ha chwa wow sdang ka Cycle Rally da puræ ya ka Voters’ Day Pledge.
Ya ka yalang lehkmen won ya ka National Voters’ Day da pynman heipor 11:30 i step ha District Library Auditorium Mynthong, Jowai deiwa emlang u Deputy Commissioner ka West Jaiñtia Hills District, u Garod. LS.N. Dykes, ka D.D. Syngai, Additional Deputy Commissioner (Election), u Isagahah Lawrniang, Extra Assistant Commissioner (Election) West Jaiñtia Hills District, kiwi ki Additional Deputy Commissioners wa Extra Assistant Commissioners ka District. Da wan leh wow embynta lang da ki waheh chnong ka chnong Jowai, kiwa yahkhmat ki seiñ saiñhima wa kiwi de kiwa chah khut sñiawbha.
Ya ka yalang da pynlai da ka D.D. Syngai, MCS, Additional Deputy Commissioner (Election), kawa da e ya ki kyntien pdiang sñiawbha wei da khana ko leh chaphang ka National Voters’ Day.
Da pynman leh ya ka pynkup burom ya u District lcon u loomainki Garod, u BILO Icon u First Joy Lamare (kiwa man kam u BLO ka 46 Saphai Pohrtiang A Polling Station waka 4 Mowkaiaw Assembly Constituency) wa ya kiwa dang man kam kiwa thap Vote wa thymme iwa da leh da u Deputy Commissioner, West Jaintia Hills District, Jowai.
Da saam leh ya ka khusnaam cha kiwa jop ya ka yakob Online Video Clip Competition waka Quiz Competition wa da pynman hawa leh ya ka Special Summary Revision Period ha u Naichiphaw 2021.
Ya ka yalang da pynkut da ki kyntien e khublei na u Isagahah Lawrniang.
Ya kani ka lehkmen ya ka 12th National Voters’ Day da pynman ha waroh ki 215 tylli ki Polling Stations ki soo tylli ki Assembly Constituency ka District kitæ ka 1-Nartiang, 2-Jowai, 3-Raliang wa 4-Mowkaiaw heiwa da pynkup burom ya kiwa thap Vote thymme da ki jar jiar ki Booth Level Officers.
