Shillong: Chirup wa ka pyrthai waroh kawi, ka jylla leh ynne ka sngi da lehwarom ko ya ka International Day for Biological Diversity hajrong ka phang: “Our Biodiversity, Our Food, Our Health” ha ka yalang wa pynman ha U Soso Tham Auditorium, Shillong wei ya kani ka yalang da pynman da ka Meghalaya Biodiversity Board (MBB) chirup wa ka chnat Forests & Environment, ka sorkar jylla.
Ha kani ka sngi u montri ka chnat Forests & Environment, u Lahkmen Rymbui da man u kam u kongsan, wei hei klam da ong u wa emkaam wow pynneh ya ka rymaw neibhah wa em katæ ka yachaniah mar kylliang iwi ya iwi. Da kyntu u leh wa emkaam wow pynneh ya ki mrad khnang wow yada ya ka rymaw neibynta ka mynried wow wan.
Ha kani ka sngi da pyllait leh ya ka Annual Report yong u snem 2015-2018, ki kot lakdop, ki kot hajrong ka Biodiversity Heritage Site of Meghalaya, Khlaw Kur Syiem Kmie Ing (Umkon, Ri Bhoi District) wei da saam leh ya ki khusnaam cha kiwa jop ha ki yakob waphær waphær.
Da pynyoo leh ya ki Documentary Film wa pyrtuid, “Giant Steps to Conservation by a Small Village, Mawlyngbna” wa “Our Biodiversity, Our Food, Our Health”.
Chwa wow sdang ka yalang u Secretary, Meghalaya Biodiversity Board, u M.B.K. Reddy da pynyoo u ya ka PowerPoint presentation hajrong ki kaam yong ka MBB.
Ha kani ka sngi da emlang leh u PCCF & HoFF, Meghalaya, u C.P. Marak wa u PCCF (T), Meghalaya, u Y. Shullai wa kiwi kiwi.
Discussion about this post