Ka Jaintia Network Society deiwa khrehlang waka Nehru Yuva Kendra Sangathan da pynman ki ya ka yalang leh warom ya ka Social Service Day ha ka 15 tarik uni u bnai.
Ha ka yalang kawa man ha ka chnong Muphliang da em u waheh chnong kani ka chnong u Peter Phawa uwa da yaroh ya kani ka seiñ wa da ye ko u pynman kam kani ka jait yalang ha kani ka chnong yong ki.
Da kyntu u ya kiwa chong chnong wow chimkhia ki manda em kiwon kiwon ki jait yalang wa da wanrah ha chnong.
Da klam u kajiak chaphang ka Social Service Day heiwa da e nongmuna u yei bynta wa ksoh u kam u waheh chnong. Ong u wa i khreh kaam chnong ym toh iwa suk lada ym em i yai chah wa i mynsien wow khreh neibynta ka imlang sahlang. Da kyntu u ya kiwa chong chnong wow chimkhia ki u leh ki kaam kiwa kyntu ya ka imlang sahlang.
Ha kani ka sngi ka bru chemphang namo ka Resource Person toh ka Lasudaki Kyndiah kawa man leh kam ka dkhot ka Jaintia Network Society kawa da pynche yei yumut yong ka Social Service Day hawa chi tyllup ka pyrthai da kynmoo warom ya kani ka sngi.
Ya kani ka yalang da pynlai da ka Deimaya Nongtdu, ka dkhot ka Society deiwa emlang u waheh chnong, ki dkhot kani ka Society, ki manbei, manpa wa ki khon khynroo kani ka chnong.
Hadien ka yalang da em ka pynkhooid chnong hawa kiwa chong chnong da ya mih ki wow pynkhooid ya ka chnong.
