Jowai: Deilang waka ri waroh kawi, ka District Legal Service Authority West Jaintia Hills hapoh i Chairmanship u AM Ripnar, District Sessions Judge cum Chairperson ka District Legal Service Authority da kynmoo warom ki yaka Constitution Day ynne ka sngi ha Conference Room, u DC, Jowai.
Da wan wow embynta lang u I. Rymbui, Special Judge POCSO, Jowai, u K J Lyngdoh, Chief Judicial Magistrate, Jowai, u Lakador Syiem, Superintendent of Police, Jowai, ka D. Sohtun, Secretary DLSA, Jowai, u M. Surong, Public Prosecutor, Advocates Panel Lawyers, ki Para Legal Volunteers wa ki wakreh ka DLSA. Heipor 11 waje i step da puræ yaka Preamble ka Constitution ka ri India da u District Session Judge.
Kani ka Campaign kawa chi snem u sdang yaka nadooh ynne ka 26 tarik hadooh ka 14-04-20, wei neiliang ka DLSA daw pynman ko yaka pynsñiawthooh paidbah yei hok wa ki kaam yong ki kam ki tre chnong wa da thoh da tar ha Chapter IV-A (Article 51A) ka Constitution ka ri.
Ya kani ka sngi da leh warom nadooh u snem 2015 yow sahkynmoo yaka sngi wa da pyndep yaka Constitution ka India haka 26-11-1949 wei da pynkrehkaam yaka haka 26-01-1950.
Ya ini i jooh neiliang ka sorkar ha Shillong da yahkhmat da u P. S. Thangkhiew, Chief Secretary ka sorkar Meghalaya uwa da puræ yaka Preamble ka Constitution ka ri ha Main Secretariat Building, Shillong, hei emlang ki Additional Chief Secretaries, ka sorkar Meghalaya, wa ki heh ka sorkar deilang ki wakreh.
Discussion about this post