Jowai : Ka office ka District Social Welfare, West Jaiñtia Hills ynne ka sngi da lehkmen ko ya ka International Day of Older Person næ ka sngi yong kiwa da heh rta, ya kani ka lehkmen da pynman ha Iungwalieh ka Dulong, Jowai hajrong ka phang “ Take a stand against ageism”.
Ha kani ka sngi da wan chimbynta da ki manbei manpa na ka Balang Presbyterian, Catholic, Church of God, Sein Raij wa kiwi kiwi.
Ka District Social Welfare Officer, ka Z.J. Lyngdoh, hei klam yong ka da pyntip ko chaphang ki scheme sorkar neibynta ki bru wa da heh i rta.
Ha kani ka sngi u S.C Laloo, Additional Deputy Commissioner, West Jaiñtia Hills District da man u kam u kongsan.
Ha kani ka sngi da yoh leh yei klam na u O.R. Challam, President Seiñ Raij Jowai; Rev. E. Nongpluh, Pastor in- charge Jowai Presbyterian Church; wa kiwi kiwi kiwa da ong wa emkaam u burom wei wow maya ya kiwa da heh i rta lada ha yung næ ha lait.
Ya kani ka yalang lehkmen da pyllai da u L.Garod, Co-ordinator Breakthrough Centre, Jowai wei da yoh ya ki kyntien e khublei na Mansuk Rymbai.
Heijooh i por ynne ka step heipor 10 waje da pynman ya ka Free Medical Check-up neibynta kiwa da heh i rta.
Discussion about this post