Ka seiñ ki Nurse kawa tip kam ka Trained Nurses Association of India (TNAI)-East Jaiñtia Hills da lehburom ki ya ka sngi kyrpang yong ki Nurse ynne ka sngi hapoh i yahkhmat ka Jenny M. Dkhar wa u Mihsalan Dkhar kiwa man ki President wa Secretary ka seiñ ki Nurse ha East Jaiñtia Hills District, Khliehriat.
Da lehburom ya kani ka sngi hajrong ka phang “Our Nurses, Our Future”.
Ha kani ka sngi u Finelyness Bareh, MDC ka Rymbai-Khliehriat Constituency da man u kam u kongsan yong kani ka sngi wa kyrpang yong ki Nurse deiwa emlang u Dr. STS Momin uwa man u Medical & Health Officer In-Charge ka Khliehriat Civil Hospital.
Da yoh ya ki kyntien sneiñ kyntu wa ki kyntien yaroh kiwa sñiawsuk na u kongsan.
Hadien wa sdang kani ka sngi da pynbood da ki yalang waphær waphær ha waroh ki CHC wa ki PHC kiwa em ha East Jaiñtia Hills District, Khliehriat.
Da pynkut ya kani ka sngi lehburom da ki kyntien khublei ya waroh kiwa embynta ha kani ka sngi.
