Da lehkmen ya ka International Women’s Day ha Khliehriat

Ka International Women’s Day 2025 hajrong ka phang wa ong “For All Women & Girls: Rights, Equality & Empowerment” da lehkmen ka ynnin ka sngi ha Khliehriat West Community Hall, Khliehriat ha ka yalang wa pynman da ka yung krehkaam ka District Social Welfare Officer, East Jaiñtia Hills District, ka yung krehkaam ka District Sankalp Hub for Empowerment of Women (DHEW), East Jaiñtia Hills District deiwa ya krehlang leh wa ka District Project Management Unit (DPMU), Megha-Lamp, MBMA waka District Mission Management Unit (DMU), MSRLS, East Jaiñtia Hills District.

Da wan wow embynta kam ka kongsan da ka MLA ka Sutnga-Saipung kawa man leh kam ka Chairperson ka Assembly Committee on Empowerment of Women, ka Santa Mary Shylla deiwa emlang u Deputy Commissioner ka East Jaiñtia Hills District, u Shivansh Awasthi, ka MDC ka Narpuh, ka Deivipaya T Tongper, ka District Social Welfare Officer cum Member Secretary, District Hub for Empowerment of Women, East Jaiñtia Hills District, ka Rica Bareh, ka District Sports Officer, East Jaiñtia Hills District, ka Stephanie M Rapsang wa kiwi de.

Ka kongsan hawa e yei klam da ong ko wa ka International Women’s Day toh yow pynyoo yei dak wow tipmit ya ki kaam wa leh da ki kynthai wei kamjooh kiwa da leh da ka sorkar neibynta i bha i miat ki kynthai.

Da khana ko leh ya ki Scheme wa ki Policy wa da pynkrehkaam da ka sorkar yow pynku yei kyrdan ki kynthai wei da pynchlur ko ya waroh wow lai pyntip cha ki bor sorkar lada jia wa chem ki wa chah thombor ki kynthai deiwa khut leh yei ya krehlang yow pyrchah ya ki kaam wym man hapoh ka imlang sahlang.

Da ka yalang kiwa yahkhmat yong waroh ki niam khut u Lat neibynta ka Operation Sindoor

May 11, 2025

Chimbynta ka Bataw BMC ha ka Workshop ka METT for Indian Wetlands ha Kolkata

May 11, 2025

Neiliang u DC da ong u wa emkaam wow yaklam yeiwa boon i eh i khoo wa maad ki kynthai wei wow hikai leh ya ka imlang sahlang yei kaamram yow pyntikna wa waroh yoh i yei hok wa man salonsar.

Kiwi de kiwa klam toh ka Rica Bareh, ka Deivipaya T Tongper waka Programme Manager, MCSWA, ka Rinibeth Patlong.

Da em leh i pynkup burom ya ka Beti Bachao Beti Padhao Brand Ambassador, ka Batbitbha Bareh deilang kiwi ki kynthai kiwa da leh ya ki kaam wa khroo wei da yoh leh i chaad tynre na ki Anganwadi ka Saipung C&RD Block.