Kam chibynta ka International Women’s Day, ka District Legal Services Authority, East Khasi Hills District deiwa ya krehlang waka Meghalaya State Legal Services Authority hapoh i pyrtuid ka National Legal Services Authority da pynman ki ya ka Street Play kawa da e pyrtuid “Protection of Women from Domestic Violence Act”, ha Police Bazar, Shillong ynne ka sngi.
Ha kani ka Street Play da chimbynta da ki Volunteer ka Manbha Foundation, Shillong.
Neiliang ka Meghalaya State Commission for Women won deiwa ya krehlang waka St. Anthony’s College, Shillong deiwa kyrchaan ka National Commission for Women, da pynman ki ya ka National Parliament for Women ha Auditorium ka St. Anthony’s College Shillong.
Ka phang pyrdi ha uni u snem toh kawa yong “Break the Bias” namo wow pyndooh noh yei leh chiliang. Ka Phidalia Toi, Chairperson, Meghalaya State Commission for Women da e ko ya ki ktien wai phang.
Da yoh leh yei klam na ka Patricia Mukhim, Editor Shillong Times, ka Linza Fenny Syiem, Senior Coach Directorate of Sports & Youth affairs, Meghalaya, ka Mary G T Sangma (IPS) Principal, Police Training School, Umran, ka Mitali Chandra, IAS, SDO (Sadar), East Khasi Hills Shillong, Prof. Badaplin War, Department of Khasi, NEHU wa kiwi de.
Ha Shillong College won, ka Women’s Cell ka College leh da pynman ki ya ka ya phyllu yumut hajrong ka phang “Healthy, Wealthy and Wise – Break the bias”. Wei i thmu kani ka yalang toh wow sikai ya kiwa lai puræ yei emkaam i chait i khiah wei kiwa ye u yieñ hei kjat yong ki hi.
Ka Dr. E. Kharkongkor, Principal Shillong College hawa e yei klam da ban joor ko yei emkaam wow pynmyllien ya ki kaam wa chait wa khiah wei deiwa im leh deiwa chait wa khiah.
Ki bru chemphang ha kani ka sngi toh ka Dr. Anastacia C Mawthoh, BNYS kawa da klam bniah hajrong i chait i khiah neibynta ki kynthai katwa ka Mayfereen Ryntathiang da klam ko chaphang iwa emkaam u tip yow seiñkhih seiñkhan.
