Chirup wa ka jylla waroh kawi, ya ka lehkmen lyngkhooh snem wa 49 ka jylla da pynman ya ka ha East Jaiñtia Hills District ynne ha Community Hall, Khliehriat West, East Jaiñtia Hill District heiwa u montri ka chnat Social Welfare, u Kyrmen Shylla da man u kam u kongsan.
Ha kani ka sngi da emlang leh u E. Kharmalki uwa man kam u Deputy Commissioner ka District, u S.S Syiemlieh, Addl. Deputy Commissioner, ka D.M Suja, MCS, Addl. Deputy Commissioner, u M.S. Sangma, MCS, Addl. Deputy Commissioner wa kiwi kiwi.
U Kyrmen Shylla hawa e yei klam da kynmoo u ya ka parom wa da chna ya ka jylla deiwa yaroh ya kiwa yahkhmat kiwa da yakhun hadooh wa yoh ya jar jiar ka jylla.
Da pynkynmoo u leh ya kiwa boon i eh i khoo wa yachem ki paidbah katni ha ka District deiwa kyntu ya waroh kiwa kreh sorkar wa ki paidbah wow yakrehlang ki chirup neibynta ka mynried wa miat wa bha.
Kiwi kiwa da klam ha kani ka sngi toh u M.S. Sangma, u Roland Suchen (kam u waheh rta) wa u Satly Ryngkhlem.
Da ekti leh ya ki Certificates of Appreciation cha waroh ki waheh chnong hei yakhun pyrchah ya ka COVID-19.
Da pynphooh ya ka sngi da i chaad na ki khynnah ka Jaiñtia Eastern College, Khliehriat.
Hadien ini da wai leh ya ka yung krehkaam ka DRDA ha Khliehriat East.
