Chirup wa ka ri waroh kawi, ya ka 72nd Republic Day leh ynne ka sngi da lehwarom ya ka ha East Jaiñtia Hills District ha Khliehriat Higher Secondary School Playground, East Jaiñtia Hills heiwa u montri ka chnat Public Health Engineering Department u Renikton Lyngdoh Tongkhar da pynhær u ya ka lama ka ri wei da chim u leh ya ka Rashtriya Salute.
Ha kani ka sngi da pynyoo rong ya ki kari wa pynriam namo ki Tableau na ka chnat Soil and Water Conservation Department, District Disaster Management Office, Fisheries Department, Public Health Engineering, RWS District Swachh Bharat Mission Grameen, District Medical & Health Officer, Animal Husbandry & Veterinary Department, NRLM & DRDA, Sports Department, Horticulture & Agriculture Department, SSA wa ka PWD Roads.
Ha kani ka sngi u montri da ekti u leh ya ki Award cha ki chnong wa khooid dooh namo ki Cleanest Village hapoh ka District cha ka Latyrke, Rymbai wa Moolamylliang.
Ka Pamra Paithlu PHC da yoh ko ya i naam Top Performing PHC ha ka District hei wow pynkrehkaam ya ka MHIS wa Ayushman Bharat Pradhan Mantri Jan Arogya Yojana (ABPMJAY).
Kam chibynta yong kani ka lehkmen ki chnat da lai saam baam ki cha kiwa em ha Civil Hospital, Khliehriat wa Sutnga wa cha ki khynnah wa em ha ki thaw ri khynnah hapoh ka District.
