Ya ka World Bee Day da lehkmen ya ka ynne ka sngi hajrong ka phang “Promote Bee Keeping: Augment Farmers’ Income and to ensure Sustainability of Life” ha All Saints’ Hall, Shillong ha ka yalang wa pynman da ka Directorate of Horticulture, ka sorkar Meghalaya.
U kongsan, u SC Sandhu, Secretary ka sorkar Meghalaya, ka chnat Agriculture & Farmers Welfare, hawa e yei klam da ban joor u yei kordor ki ngap wow pynmih ya ki jhoor, ki soh kiwa pynim kylla ya kiwa im hapoh ka pyrthai.
Da ong u wa na ki 17 tylli ki thong pynroi, 15 tylli toh kiwa emkaam ya ki ngap kamtæ da emkaam wow e laad ya ki wow heh u san ki deiwa suk khlem i pynthut. Chooh chooh da ong u wa hanla yoh boon i yarap, kiwa psan ngap ym pu ye ki wow chim kabu yow yoh nong deiwa chna ya ki umngap deiwa bood yei rukom wa da leh cha kiwi ki ri yow ye u dai hei dor wa biang deiwa song dei miat kamjooh wow pynsakhiat wa i umngap toh iwa miat iwa khlem pynemkaam dawai neibhah ini toh da man chwa i rukom pynmih umngap hapoh ka jylla.
Da ong u leh wa emkaam wow thooh ya ki yaw ki haat cha baar ka jylla wei yei emkaam leh wow e yei yarap cha ki warep. Da kdaw u leh yei thymme i rukom kreh ka sorkar wow pait yei spah ka rymaw deiwa pyntip wa da em 75 tylli ki nan ha kawi pa kawi ka District hapoh ka Amrit Sarovar Mission kawa man leh neibynta wow pynneh pynsah ya ka um neibynta ka mynstep mankawi.
Ha kani ka sngi da pynyoo rong leh ya ki umngap wa da pynmih napoh ki District ka jylla wei da pynman leh yaka e sikai hajrong i psan ngap hapoh ka jylla Meghalaya kawa da wan chimbynta ym du da kiwa psan ngap kamjooh leh ki bru wa seiñ khih.
